Top 10 Tips Mobile Paani Me Bheeg Jaye to Kya Kare Or Kya Na Kare

Smartphone aaj kal k youths me zindagi ka ek bahut hi aham hissa banta ja raha hai. AAj agar kisi ko bina khane ke rakh sakte hain lekin bina mobile ke rakha pana bahut hi jyada muskil hai.

Smartphone jab hamari life ka itna mahatavpurn hissa hai to uska khayal rakhna bhi hamara kartav banta hai 😀 Akasr dekhne me aata hain k accidently hum apne phone ki paani me gira dete hain ya fir hath se fisal ke ya fir jeb se pani me gair jaye to bahut dukh hota hai aur phone ka nuksan ho jata hai. To chaliye hum aaj apko issi sisile me batayenge ke agar aapka phone paani me gir jaye to kaise savdhani bartani chahiye aur usko theek karne k liye kya kya karna chahiye aur kya nahi.

Niche hum kuch tips batayenge jinka agar sahi se palan karenge to apka phone demage se bach jayega aur aap dubara apna phone use kar payenge.

Phone Paani Me Bheeg Jaye to Kya Kare

1. Phone ke pani me girne par bina soche aur bina waqt kharab kiye sabse pahle usko paani se nikale, kyu k jitni der me phone pani me rahega to uska demage hone ka khatra utna hi badhta jayega.

2. Phone ko pani se nikalne ke baad usko check karne ki galti na kare ke phone chal raha hai ya nahi, ye sab chor ke phone ko turant off (band) kar de. Iske baad turant phone cover, accesories, headphone aadi sab fatafat nikal de aur koi bhi button nahi dabaye kyu ke agar aisa kiya to pani k phone ke anadar jaane ka khatra badh jayega

3. Ab apne phone ki battery nikal de taki phone k andar koi short circuit hone ka risk nahi ho, aur agar aapke phone ki battery fixed hain aur nikal nahi sakti to koi baat nahi bas phone ka back cover nikal de.

4. Ab apne phone ki SIM cards, Memory cards bhi nikal de taki SIM cards kharab hone ka khatra nahi ho aur phone me hawa ka ventilation chalu ho sake. Ab phone ke sath jyada cherkhani nahi kare.

5. Ab apne apna phone band kar diya hai aur back cover bhi nikal chuke hai to fir ab kisi towel ya saaf kapde se phone ke upper laga pani ache se saaf kar de, yahan dhayan dene layak baat ye hain ke kisi bhi port me koi paper ya kisi nukili cheej se pani nikalne ki kosis nahi kare kyu ke aisa karne se port ke demage hone ka khatra paida ho jata hain, to inn sab se bache.

6. Ab jab aapka phone saaf ho chuka hain aur uss par koi paani nahi hai to ab ek aisa dabba le ko ache se band ho sake aur uske andar hawa nahi ja sake, fir uske Chawal(Rice) bhar le aur uske andar phone 24 se 36 ghanto ke liye rakh de (phone me battery ya uska back cover nahi lagaye). Chawal isliye kyu chawal phone ke anadar ja chuki narmi ko sukha deta hai.

Rice ki jagah aap Silica bhi use kar sakte hain kyu ke silica bhi electronics products ki moisture ko durr karne me madad karta hain.

7. 24 ya 36 ghante se baad apna phone chawal ya Silika ke box se nikale aur battery ko daal ke on kare, On ho jane ke baad phone ko check kare ke phone sahi se kaam kar raha hain kya. Badhai ho aapne kar dikhaya aur apne phone ko shaheed hone se bacha liyahai. Agar aisa nahi hota hai to kisi mobile shop pe ya fir service center pe apna phone check karwaye.

Phone Paani Me Bheeg Jaye to Kya Nahi Kare

Ab hum batane ja rahe hain ke phone agar paani me bhag jaye to kya nahi karna chahiye. Akasar bahut se log galtiya kar ke apne phone ko demage kar lete hain to niche batayi hui tips ko kaam le aur ye galtiya aap nahi kare.

1. Phone ko turant On nahi kare aur kisi bhi button ko nahi dabaye, aisa karne se paani ke phone ke anadar jaane ke jyada chances hote aur phone ko jyada nuksan ho sakta hai.

2. Phone ko hair drier se sukhane ki kosis nahi kare, aksar logo ko ye bhram hota hain k phone ko drier se sukhane se pani sukha jayega lekin me ye batana chahta hun ye bilkul bhi sahi nahi hai kyuk drier se phone ki body ke bahar ka pani to sukh jata hai aur pani phone ke andar bhi chala jata hai aur phone ko bahut jyada nuksan ho jata hai. Isliye ye galti kabhi nahi karein.

3. Phone ko overcharge kar ke uski nami duur karne ki kosis nahi kare. Bahut logo me ye bharam hota hai ke phone ko jyada charge kar ke uske andar ki nami ko khatam kar de lekin me bata dun ke ye bahut hi galat hai kyu overcharge kar k heat se aapke phone ki bahar ki nami to duur ho jayegi lekin andar ki nami duur nahi hogi balki phone me short circuit hone ka khatra badh jayega to isase bache.

Nishkarsh (Conclusion)

Agar aapko humare dwara di gae Mobile paani me bheeg jane par kya kare ki jankari pasand aayi ho aur aapke pas bhi aisi hi tips ho jinhe aap humare readers ke sath sajha karna chahe ya aapke koi prashan ho to aap humse direct comment dwara puch sakte hain. Hum asha karte hai ke aapko humare dwara di hui jankari aapke liye faydemand sabit hogi.


Tags: mobile paani me gir jaye to kya kare, phone paani me bheeg gya to kya kare, bheege huye mobile ko kaise theek kare, paani me bheege smartphone ko kaise sukhaye, phone geela hone par kya kare, apne mobile phone ko kaise sukhaye, iphone bheegne pe kya kare