Dengue Kaise Hota Hai, Lakchan, Kaise Bache, Upchaar

Dengue Kya Hai?

What is dengue?

Dengue ek Viral sankraman se felne wala bukhar hai jo ki Aedes mada machhar ke katne se felta hai. Dengue bukhar ke virus 4 prakar ke hote hai (DEN 1, DEN 2, DEN 3 and DEN 4) or Dengue ke lakchan (symptoms) aapko Aedes machar ke katne ke 3 se 14 din ke ander (Average 4 to 7 days) dikhayi dene lagte hai. Dengue fever Chote baby, chote bacche, bodho or low immunity wale vayakti ko bahot jaldi se hota hai.

Dengue Kaise Failta/Hota Hai?

How does denque occur?

Dengue ek jaanlewa bimari hai agar is par samay rehte kaabo na paa liya jaaye. Duniya me har saal hazaaro maut dengue ke chalte ho jaati hai. Aedes mosquito agar kisi degue pidit vyakti ko katne ke baad kisi swasth vyakti ko kaatta hai to dengue bahot hi tezi se phelta hai.

Dengue Ke Lakchhan

Symptoms of Dengue

  • Dengue Bukhar ke lakchan Aedes mada machhar ke katne ke baad aapko 4 se 7 dino ke ander dikhayi dene lagte hai. Wo lakchan kuch is prakar hai.
  • Dengue hone par pidit vyakti ko Ekdum se or bahot tez bukhar ho jata hai – (Sudden & High Fever).
  • Dengue hone par bahot tez sir dard hota hai – (Severe Headaches).
  • Ankho ke piche ki traf bahot tez Dard hota hai agar koyi vyakti dengue ki chapet me aa gaya hai to. (Pain behind the eyes).
  • Pidit vyakti ke sharir ke har joint wale hisse or Mass Pesiyo me bahot tez dard hota hai. (Severe Joit pain & Muscle Pain).
  • Dengue hone par bhook nahi lagti hai (Fetigue).
  • Dengue Pidit vyakti ka jee machlata hai (Nausea).
  • Ultiya hone lagti hai (Vomiting).
  • Skin Rash – Hatho or pairo ki pindliyo par lal rang ke chakatte hone jaate hai, Bukhar aane ke 3 se 4 din baad.
  • Dengue pidit vyakti ko halki fulki bleeding hone lagti hai, Jaise ki naak se, masudo se or brush karte samay.

Yeh Bhi PadheSwine Flu kaise hota hai, Bachav or Upchar

Dengue Se Bachav

Prevention of Dengue

  • Paani ki rokthaam – Apne aas pas barsat ya koi bhi saaf pani ko ikkatha na hone de. Kyonki Aedes machhar saaf pani me paida hota hai to apne ghar me or aas pas saaf pani ko bilkul bhi ikkattha na hone de. Ghar me cooler ko saaf rakhe, gamlo me paani ikattha na hone de, naliyo ko saaf rakhe, panchiyo ke liye rakhe huye paani ko rozana badle. Agar kahi par pani ko nikalna sambhav na ho to usme petrol ya mitti ka tail daale jisse Aedes machchhar ki rokthaam ho sake.
  • Sharir Ko Dhak Kar Rakhe – Kyonki Aedes machchhar din me hi kaathte hai to din me hamesha full sleave kapde pehne, baccho or boodho ko khaskar dyan se poore kapde pehnaye.
  • Mosquito Repellents Ka Istemal – Ghar me mosquito repelant cream, hit spray, all out, ya mosquito nets ka istemal kare jisse aapko machchhar nahi kaat sake.

Dengue Hone Par Savdhaniya

Dengue Precautions

  • Agar aapka bukhar 2 ya 3 din se jyada rahe ya upar diye huye symptoms nazar aaye to turant apne doctor se salah le ya Apna dengue test karaye.
  • Apne aas pas or apne aap ko jitna saaf rakh sakte hai rakhe.
  • Dengue hone par jitna jayda se jyada liquid le sakte hai le.
  • Agar aapko dengue ho jaye or bukhar nahi utar raha hai to Sirf Paracitamol tablet hi le (Accha hoga aap doctor se consult kare) or koi dawai na khaye jab tak aapka doctor aapko khane ke liye na kahe.
  • Kyonki Dengue ke ander apke blood ki platlets tezi se girti hai to aisa postic or halka aahar le khaskar taral jo aapke sharir ke under blood me platelets ko badhaye.

Dengue Ka Ilaaz

Denque Diagnosis

Hum aapko yaha koi bhi gharelu nuskhe ilaz ke liye istmal karne ke liye salah nahi denge. Kyonki yeh ek jaanlewa bimari hai to jitna jaldi se jaldi ho sake kisi acche prasickchhit doctor or hospital se salah le. Waha par aapke dengue virus ke anusaar aapka ilaz kiya jaayega.

Dengue Se Jaldi Recover Hone Ke Upay

How to Recover Fast from Dengue

Dengue fever hone ke dauran shareer ko kaafi hani hoti aapke blood ke white shells kaafi tezi se girte hai, Shareer kamzor ho jaata hai, chalne firne me dikkat hoti hai. To yaha hum aapko batane jaa rahe hai kuch aise tips jinhe istemaal karke aap jaldi se recover kar sakte hai.

  • Aap apne khane pine ka poora dhyan rakhenge khane me jitna jyada liquid lenge utna behtar hai. Aap Fruit juice jitna jyada ho sake pijiye, Nariyal paani ek bahot hi aacha tarika mana jata hai is trah ki problems se recover karne ke liye.
  • Bakri ka doodh – Waise bakri ka doodh scientifically proven nahi hai lekin phir bhi ek study me paaya gaya hai ki jin logo ne bakri ke doodh ka istemal kiya hai unhone acchi or jaldi recovery ki hai bajaye un logo ke jinhone bakri ka doodh nahi piya.

Niskarsh (Conclution)

Hi Dosto Is post me aapne dekha ki kis prakar dengue hota hai or use kaise pehchana ja sakta hai or uski rokthaam kaise ki jaa sakti hai. Agar aapko hamari di gayi jaankari se thoda sa bhi fayda pahochta hai to hume is baat ki khusi hai, Agar aap dengue se kaise bache visay me hamare readers ki koi bhi madad karna chahte hai, ya koi bhi aasunka hai to hame comments dwara pooch sakte hai. Hume aapki shayata karne me bahot khusi hogi.


TagsDengue kaise hota hai, dengue se kaise bache, dengue se bachav, dengue ki dawayi, dengue ka ilaaj, dengue se bachne ke liye savdhaniya, dengue hone par kya karna chahiye, dengue ka machchhar, dengue ke lakchan, dengue se kya hota hai, Delhi me dengue, dengue kaise banta hai, dengue bukhaar, dengue fever, dengue ka upchaar, Dengue Ke macchar, dengue ka gharelu ilaaj.